Bu barədə Aztibb.az-a Baku Medical Plaza Babək filialının  qastroenteroloq-endoskopisti Rəfael Həsənov məlumat verib.

 

Həkim bildirib ki, kolonoskopiya müayinəsi həyati əhəmiyyət daşıyır. Kolonoskopiya vasitəsilə poliplər erkən mərhələdə aşkarlanır və eyni prosedur zamanı götürülərək gələcək ciddi fəsadların qarşısı alınır.

 

Onun sözlərinə görə, 45 yaşdan sonra, hətta heç bir şikayət olmasa belə, profilaktik kolonoskopiya tövsiyə olunur. Ailəsində bağırsaq xərçəngi olan şəxslər daha erkən müayinədən keçməlidir. Bu gün sadə bir müayinə ilə qarşısı alına biləcək problem, sabah ciddi xəstəliyə çevrilə bilər.