Ümumdünya Səhiyyə Təşkilatının (ÜST) xərçəngin yayılması ilə bağlı proqnozuna görə, 2050-ci ilə qədər 35 milyondan çox yeni xərçəngə yoluxma halının olacağı bildirilib. Qeyd olunub ki, bu, 2022-ci ilə nisbətən 77 faiz artım deməkdir.

Aztibb.az-ın medimagazin.com.tr-yə istinadla xəbərinə görə, ÜST-nin hesablamalarına əsasən 2,5 milyon yeni yoluxma hadisəsi ilə ağciyər xərçəngi bütün yoluxma hallarının 12,4 faizini təşkil etməklə dünyada ən çox yayılmış xərçəngə çevrilib. İkinci yerdə qadın döş xərçəngi (2,3 milyon yoluxma, 11,6 faiz), ikinci yerdə kolorektal xərçəng (1,9 milyon yoluxma, 9,6 faiz), prostat xərçəngi (1,5 milyon yoluxma, 7,3 faiz) və mədə xərçəngi (970 min yoluxma, 9,6 faiz) izlənilib.

Beynəlxalq Xərçənglə Mübarizə İttifaqının prezidenti Dr. Keri Adams xərçəngin erkən diaqnostikasında və xərçəng xəstələrinin müalicəsində irəliləyişlərə baxmayaraq, xərçəng müalicəsinin nəticələrində təkcə dünyanın yüksək və aşağı gəlirli bölgələri arasında deyil, həm də ölkələr arasında əhəmiyyətli fərqlərin olduğunu bildirib.