Qəzzadakı Fələstinin Səhiyyə Nazirliyi İsrailin hücumları nəticəsində Qəzza zolağının cənubundakı Xan Yunisdə sağlamlıq vəziyyətinin fəlakətli həddə çatdığını və çoxlu sayda yaralının xəstəxana dəhlizlərində yerdə uzandığını açıqlayıb.

Aztibb.az-ın medimagazin.com.tr-yə istinadla məlumatına görə, nazirlikdən verilən yazılı açıqlamada Qəzzanın cənubundakı Xan Yunus şəhərindəki vəziyyətlə bağlı məlumat verilib.

"Yaralıların Nasser Xəstəxanasına çatdırılmasının çətinliyi və gecikməsi onların həyatlarını təhlükə altına alır", - deyə bildirilir.

Tibbi ləvazimat və dərman çatışmazlığına diqqət çəkən açıqlamada sağlamlıq qruplarının imkansızlıq səbəbindən onlarla ağır yaralının müalicəsində böyük çətinliklərlə üzləşdiyi vurğulanıb.