Alimlər xəbərdarlıq edirlər ki, Sibirdə əbədi donmuş ərazilərdə tapılan zombi virusları yeni və daha ölümcül epidemiyaya səbəb ola bilər.

Bu barədə Aztibb.az medimagazin.com.tr-yə  istinadla xəbər verir.

“The Guardian” qəzeti yazır ki, Arktikada donmuş torpağın (permafrost) əriyərək minlərlə ildir “basdırılmış” “zombi viruslarını” ortaya çıxarması ehtimalı yeni pandemiyaya hazırlıqlara start verib.

Elm adamları əvvəllər məlum olmayan bir xəstəliyin yayılması halında "Arktika monitorinq şəbəkəsi" yaradıblar. Burada virusa məruz qalma riskinə qarşı mümkün ehtiyat tədbirləri araşdırılır.

Layihə çərçivəsində sözügedən ssenari üzrə xəstəliyin ilk hallarını aşkarlaya biləcək və bu halların göründüyü yerlərdə müalicəsi və yayılmasının qarşısını ala biləcək karantin mərkəzlərinin yaradılması nəzərdə tutulur.