Ümumdünya Səhiyyə Təşkilatının (ÜST) baş direktoru Tedros Adhanom Qebreyesus Qəzzanın şimalındakı Şifa xəstəxanasına yanacaq və tibbi ləvazimatların çatdırıldığını açıqlayıb.
Aztibb.az bu barədə medimagazin.com.tr-yə istinadla məlumat verir.
O, X sosial media platformasında iki həftədən çox müddətdə 1000 travma və 100 dializ xəstəsinin müalicəsində istifadə edilmək üçün Qəzzanın şimalındakı Şifa xəstəxanasına yanacaq və tibbi ləvazimat çatdırmağı bacardıqlarını bildirib.
Şifa Xəstəxanasının 40 çarpayılıq reanimasiya şöbəsi, təcili yardım otağı, doğum və ginekologiya xidmətləri, məhdud sayda hemodializ bölmələri, əsas laboratoriya və radiologiya xidmətləri ilə yenidən xidmətə başladığını qeyd edən Qebreyesus, xəstəxanada xidmətlərin qismən bərpası üçün yanacaq sərfiyyatı və tibbi ehtiyaclara diqqət çəkib.
Baş direktor tibb işçilərinin xəstələrə xidmət göstərə bilməsi üçün tibbi ləvazimatlar, yanacaq, qida və suyun paylanması üçün "davamlı və təhlükəsiz giriş" lazım olduğunu vurğulayıb.