Göygöl Rayon Mərkəzi Xəstəxanasında tibbi tullantıların düzgün idarə olunmasına dair tibb işçiləri üçün maarifləndirici tədbir keçirilib.

Aztibb.az-a xəstəxanadan verilən xəbərə görə, tibb müəssisəsinin direktor müavini baş həkim Vüsalə Qələndərova, inzibati işlər üzrə müavin Fazil Verdiyev və tibb işçilərinin iştirak etdiyi maarifləndirici tədbirdə iştirakçılara tibbi tullantıların düzgün idarə olunmasına dair çıxışlar olunub və bu mözvu ətrafında müzakirələr aparılıb.

F.Verdiyev qeyd edib ki, tibbi tullantıların düzgün idarə olunması onların çeşidlənməsi, toplanması və saxlanılması prosesi ilə başlayır.

Tibbi tullantıların düzgün utilizasiya edilməməsi infeksiyaların yayılması, su mənbələrinin çirklənməsi və təhlükəli maddələrin buraxılması daxil da olmaqla ciddi risklər yaradır. Bu tullantıların tələblərə uyğun daşınması və zərərsizləşdirilməsi əhəmiyyətlidir. Bu tullantılar - mikroblar, viruslar xəstə insanların bədənindən ixrac olunur, bu zaman həmin tullantılar həm tibb işçilərinə, həm də sadə insanlara ciddi təhlükə yarada bilər.