Qəzza zolağının şimalında yerləşən Əl-Avda xəstəxanasının böyük dağıntılara məruz qalması, 18 gün mühasirədə saxlanılması, səhiyyə işçiləri də daxil olmaqla, çoxlu mülki vətəndaşın öldürülməsi və bir çox cinayətlərə səhnə olduğu üzə çıxıb. Xəstəxana müdiri də daxil olmaqla çox sayda adam nəzarətə alınıb.

Aztibb.az-ın medimagazin.com.tr-yə istinadla məlumatına görə, Əl-Avde xəstəxanası 2,5 aydan artıq İsrail qüvvələrinin hücum və basqınlarına məruz qalıb, blokadaya alınıb, hərbi kazarmaya çevrilib.

Xəstəxananın direktoru Əbu Səfiyə xəstəxananın blokadası zamanı İsrail snayperlərinin açdığı atəş nəticəsində biri könüllü tibb bacısı, digəri işçi olmaqla iki nəfərin həlak olduğunu bildirib. O, dekabrın 26-da xəstəxananın 2 fərqli mərtəbəsində cəmi 4 otağın hədəf alındığını və açılan atəş nəticəsində başından yaralanan bir işçinin həyatını itirdiyini deyib.

İsrail qüvvələrinin xəstəxananı 18 gün mühasirəyə aldığını və təxminən bir həftə əvvəl blokadanı qaldırdığını söyləyən Əbu Səfiyə bu müddət ərzində xəstəxanaya heç bir tibbi ləvazimat, yanacaq və qida daxil olmadığını bildirib.