Yeditepe Universiteti Genetika və Biomühəndislik Bölümü müəllimi dos. Fatih Kocabaş Türkiyə Elmlər Akademiyasının (TÜBA) gənc alimləri həvəsləndirmək üçün təşkil etdiyi Üstün Gənc Alim (GEBİP) mükafatına layiq görülüb.

Aztibb.az bu barədə medimagazin.com.tr-yə istinadən xəbər verir.

O, MEIS zülalını müxtəlif xərçəng növlərində araşdıran və bu zülalı kiçik molekullarla hədəf alaraq xərçəngin böyüməsinin qarşısını alan tədqiqatına görə mükafatlandırılıb.

TÜBA-GEBİP mükafatını alimə Türkiyə Prezidenti Rəcəb Tayyib Ərdoğan təqdim edib.

Qeyd edək ki, dos. Fatih Kocabaş Türkiyə, ABŞ, Avropa, Avstraliya, Çin, Cənubi Koreya, Hindistan, Yaponiya və Rusiyada bir sıra patentlərin müəllifidir. Onun 50-dən çox nəşri (məqalə və kitab bölməsi) və 100-dən çox məqaləsi var. “Tibb 2.0: GENE və RNT terapiyası” kitabının müəllifi olan alimin H indeksi 14-dür.  Fatih Kocabaşın əsərlərinə 2600-dən çox istinad qeydə alınıb.