Tibbi Ərazi Bölmələrinin İdarəetmə Birliyinin (TƏBİB) və Azərbaycan Kardilogiya Cəmiyyətinin təşkilati dəstəyi, Paşa Holdinq Şirkətlər Qrupunun baş sponsorluğu ilə həyata keçirilən “Azərbaycan Respublikasında Pulmonar hipertenziya ilə bağlı maarifləndirmə fəaliyyətlərinin həyata keçirilməsi” layihəsi çərçivəsində ilk təlim Lənkəran Rayon Mərkəzi Xəstəxanası publik hüquqi şəxsdə təşkil olunub.

 

Bu barədə Aztibb.az-a Xəstəxanadan məlumat verilib.

 

Təlimçilər Şəfa Şahbazova "Pulmonar hipertenziya: etiologiya, epidemiologiya və klassifikasiyası", Aygün Kazımlı "Pulmonar hipertenziya: hemodinamik təsviri və diaqnostikası", Şəfəq Mustafayeva "Ürəyin sağ kameralarının exokardioqrafik dəyərləndirilməsi", Anaxanım Səfərova "Pulmonar hipertenziyanın müalicəsinə müasir baxış", Lalə Babayeva "Xronik tromboembolik pulmonar hipertenziya: diaqnostika və müalicəsi" mövzuları üzrə təqdimatlarla çıxış ediblər.

 

Yerli mütəxəssislərin iştirak etdiyi təlim proqramında Pulmonar hipertenziyanın yaranma səbəbləri, diaqnostikası, müasir müalicə metodları və digər mövzular ətrafında danışılıb.

 

Sonda auditoriyanı maraqlandıran suallara aydınlıq gətirilib.