Ümumdünya Səhiyyə Təşkilatının baş direktoru Tedros Adhanom Qebreyesus blokadada olan Qəzzada xəstəxanalarda tibbi, qida, içməli su və yanacağa ehtiyac olduğunu bildirib.

Aztibb.az-ın medimagazin.com.tr-yə istinadla məlumatına görə, Qebreyesus Şifa Xəstəxanası da daxil olmaqla 4 xəstəxananı ziyarət etdiyini açıqlayıb.

Səfər zamanı bölgədə kəskin aclığın hökm sürdüyünə diqqət çəkən Qebreyesus, ÜST və tərəfdaşlarının su və qida ehtiyatını artırmaq istədiklərini deyib.

O, bir vaxtlar Qəzzanın ən böyük xəstəxanası olan Şifa Xəstəxanasının indi yalnız İsrailin hücumlarından sonra əsas ilk yardım xidmətləri göstərə biləcəyini və 50 min köçkün qəzzalıya ev sahibliyi etdiyini bildirib.