Aztibb.az-ın “Həkimlərimizi tanıyaq!" rubrikasında bu dəfə Respublika Neyrocərrahiyyə Xəstəxanasının həkim-neyrocərrahı Aygün Zeynalovadən bəhs edəcəyik. 

 

O, 1989-cu ildə Bakı şəhərində anadan olub. 2012-ci ildə Azərbaycan Tibb Universitetinin Müalicə işi fakültəsini bitirib, 2012-2017-ci illərdə Mərkəzi Klinik Xəstəxanasında neyrocərrahiyyə ixtisası üzrə rezidentura təhsili alıb.

2015-2016-cı illərdə Türkiyə Respublikasının “Uludağ” universitetində neyrocərrahiyyə mövzusu üzrə təkmilləşdirmə kursu keçib.

 

Aygün Zeynalova 2018-ci ilin yanvar ayından 2021-ci ilin oktyabrınadək Mərkəzi Klinik Xəstəxanasında həkim-neyrocərrah vəzifəsində işləyib. 2021-2023-cü illərdə “Caspian İnternational Hospital” MMC-də həkim-neyrocərrah kimi fəaliyyətini davam etdirib.  2023-cü ildən etibarən Respublika Neyrocərrahiyyə Xəstəxanasının Təcili Təxirəsalınmaz Tibbi Yardım şöbəsində həkim-neyrocərrah vəzifəsində çalışır.

2022-ci ildə Səhiyyə Nazirliyinin sertifikasiya imtahanını uğurla keçib və sertifikat alıb.

 

Qeyd edək ki, Aygün Zeynalova kəllə-beyin travmaları, onurğa travmaları, disk yırtığı, dar kanal, spondilolistez (fəqərə sürüşməsi), hidrosefaliya, kiari malformasiyası və s. cərrahi əməliyyatlarını icra edir.