Pasiyent Təşkilatları İttifaqının III Respublika Forumu öz işini uğurla başa çatdırıb.
Yeni Klinikadan Aztibb.az-a bildirilib ki, forumda hemofiliya, leykemiya, talassemiya, donor qanının tədarükü, kistik fibroz, parkinson, spinal əzələ atrofiyası, şəkərli diabet, vərəm xəstəlikləri və eşitmə məhdudiyyətli pasiyentlərə koxlear implantasiya kimi mövzular müzakirə olunub.
150 nəfərdən çox iştirakçı arasında təcrübə mübadiləsi aparılan forumun açılışında Pasiyent Təşkilatları İttifaqının sədri Ayaz Hüseynov “Pasiyent təşkilatları ittifaqının məqsədi və fəaliyyət istiqamətləri” haqqında çıxış edib.
Tədbirdə Ombudsman Aparatının Beynəlxalq təşkilatlar və vətəndaş cəmiyyəti institutları ilə əməkdaşlıq şöbəsinin sektor müdiri Müqalib Mahmudov, İcbari Tibbi Sığorta üzrə Dövlət Agentliyinin Tibbi planlama departamentin monitorinq şöbəsinin məsləhətçisi Kəmalə Əliyeva, TƏBİB-in icraçı direktorunun müşaviri Pərvin Əkbərov, TƏBİB-in Tibbi təhsil və innovasiyalar departamentinin rəhbəri Teymur Mirzəbəyli, İctimai Səhiyyə üzrə mütəxəssis, Ümumdünya Səhiyyə Təşkilatının Azərbaycandakı nümayəndəliyi Tural Qulu yaxın gələcəkdə görüləcək işlər və perspektivlər haqqında məlumat veriblər.
Forumda, həmçinin Yeni Klinikanın Neonatologiya şöbəsinin müdiri, uzman həkim Əkbər Quliyev “Kistik fibroz xəstəliyində vacib məqamlar” və Yeni Klinikanın həkim-hematoloqu Sevil Cəlilova isə “Leykemiyanın müalicəsində beynəlxalq standartlar və sümük iliyi transplantasiyası” mövzuları ilə çıxış ediblər.
