Azərbaycan Tibb Universitetinin (ATU) Tədris Cərrahiyyə Klinikasının həkim-oftalmoloqu, Azərbaycan Oftalmoloqlar Cəmiyyətinin Gənc Oftalmoloqlar Komitəsində oftalmoloqlarla iş üzrə mentor Gülnar Əliyeva Omanın paytaxtı Maskat şəhərində keçirilən 17-ci MEACO (The Middle East Africa Council of Ophthalmology) konqresində və 19-cu MİOC (Muscat İnternational Ophthalmology Conference) beynəlxalq konfransında dəvətli məruzəçi kimi iştirak edib.

Bu məlumat Aztibb.az-a ATU-dan verilib.

Toplantıda gözün nadir rast gəlinən törəmələri haqqında məruzə, eyni zamanda öz klinik fəaliyyəti zamanı aşkarlanan bu törəmələrlə bağlı klinik hallar təqdim edilib.

Tədbirdə dünyanın 42 ölkəsindən  2000-dən çox oftalmoloq iştirak edib. Həmçinin 500-dən çox oftalmoloq elmi müzakirələrə qatılıb.

Xatırladaq ki, MEACO Yaxın Şərq və Afrikadakı oftalmoloji cəmiyyətlər üçün əlaqələndirici platformadır. 1989-cu ildə yaradılmış bu şuranın əsas vəzifəsi regionda korluğun qarşısının alınması ilə bağlı dövlət və özəl sektorlar arasında informasıyanın artırılmasıdır. Hazırda 34 oftalmoloji cəmiyyət, eyni zamanda 2006-cı ildən Türkiyə Oftalmoloji Cəmiyyəti bu şuranın üzvüdür.