Gürcüstan Oftalmologiya Cəmiyyətinin prezidenti, professor Zaza Kotenaşvilinin dəvəti ilə ATU-nun əməkdaşı Leyla Kazımova Tbilisi Beynəlxalq Oftalmologiya Konfransında Azərbaycanı təmsil edib.
ATU-dan Aztibb.az-a bildirilib ki, L.Kazımova tədbirdə "Optik ardıcıl tomoqrafiya: göz xəstəliklərinin təfsiri üçün bələdçi" mövzusunda məruzə ilə çıxış edib.
Azərbaycanlı həkimin Tbilisi Beynəlxalq Oftalmologiya Konfransındakı məruzəsi maraqla qarşılanıb və o, sertifikatla təltif olunub.
Xatırladaq ki, Azərbaycan Tibb Universitetinin Oftalmologiya kafedrasının əməkdaşı olan Leyla xanım müxtəlif illərdə Türkiyə, Hindistan, Yunanıstan, İtaliya və digər ölkələrdə fərqli oftalmoloji kurslara qatılıb. O, hazırda ATU-nun Tədris Cərrahiyyə Klinikasının Oftalmologiya şöbəsində OKT, retinoloq və Neanatologiya söbəsində konsultant həkim kimi çalışır.
