Ümumdünya Səhiyyə Təşkilatı (ÜST) hesab edir ki, məktəblərin bağlanması koronavirusa qarşı mübarizəyə çox az təsir edir.

Aztibb.az “RİA Novosti”yə istinadən xəbər verir ki, bu barədə ÜST-nin Avropa regional bürosunun direktoru Hans Klüge "Tvitter"də yazıb.

“Ən çox çətin şəraitdə yaşayan uşaqlar əziyyət çəkir”, - deyə o, bildirib.

Daha əvvəl H.Klüge pandemiya zamanı məktəblərin bağlanmasını 190-dan çox ölkədə 1,6 milyard şagirdin təhsilində tarixin ən böyük pozuntusu adlandırmışdı. O, məktəblərin açıq qalmasına dair çağırışlar edirdi.