O, 1972-ci ildə Bakı şəhərində anadan olub. 1991-1997-ci illərdə Rusiya Federasiyası Saratov Dövlət Tibb Universitetinin Müalicə işi fakültəsində təhsil alıb. 1997-1998-ci illərdə Saratov Dövlət Tibb Universitetində Ümumi cərrahiyyə üzrə internatura keçib.

1998-ci ildə Saratov Dövlət Tibb Universitetində otorinolarinqologiya üzrə ixtisaslaşıb. 2006-cı ildə Rusiya Xalqlar Dostluğu Universitetində otolarinqologiya üzrə ixtisasın təkmilləşdirmə kursu, 2006-cı ildə Rusiya Federasiyası Prezident Aparatı Tədris və Tədqiqat Tibb Mərkəzində sübut əsaslı tibb nöqteyi-nəzərindən farmakoterapiya və qulaq, burun, boğaz xəstəlikləri üzrə mühazirə-tədris kurslarını, 2011-ci ildə isə Rusiya Federasiyası “Otorinolarinqologiya” Elmi Kliniki Mərkəzdə surdologiya və eşitmə orqanının protezləşdirilməsi kursunu keçib.

 

2006-2008-ci illərdə Rusiya Federasiyası “Otorinolarinqologiya” Elmi Kliniki Mərkəzində otorinolarinqologiya üzrə ordinatura keçib.

 

İsmayıl İsmayılov 1998-2006-cı illərdə Rusiya Federasiyası Saratov Şəhər Xəstəxanasında, 2006-2007-ci illərdə Rusiya Federasiyası 219 saylı Şəhər Xəstəxanasında, 2008-2011-ci illərdə Rusiya Federasiyası ASC “Medisina”da, 2011-2012-ci illərdə Bakı Beynəlxalq Tibb Mərkəzində, 2013-cü ildə Medera Hospitalda, 2013-2019-cu illərdə Medical Plazada, 2019-2023-cü illərdə isə Milan hospitalda qulaq, burun, boğaz həkimi işləyib.

Hazırda Nizami Tibb Mərkəzində qulaq, burun, boğaz həkimi kimi fəaliyyətini davam etdirir.