Türkiyənin bir çox şəhərlərindən həkimlər və səhiyyə işçiləri Ankaranın Etlik Şəhər Xəstəxanasına gələrək Fələstində baş verənlərə diqqət çəkmək üçün “səssiz yürüş” təşkil ediblər.

Aztibb.az-ın medimagazin.com.tr-yə istinadla xəbərinə görə, qrup Fələstin və Türkiyə bayraqları daşıyaraq şüar atmadan Ankara Sağlamlıq Elmləri Universiteti (SBU) Gülhanə Təhsil və Araşdırma Xəstəxanasındakı məscidə doğru addımlayıb.

Qrup adından mətbuata açıqlama verən Tibb fakültəsi tələbəsi Ahmet Hakan Ertem, İsrailin 7 oktyabrdan bəri Fələstində mülki, xəstə, həkim, uşaq və qadın fərq etmədən böyük bir qətliam törətdiyini bildirib.

İnsan haqları və beynəlxalq hüquqa zidd olaraq minlərlə dinc sakinin, qadın və uşağın vəhşicəsinə qətlə yetirildiyini deyən Ertem, tibbi ləvazimatların tədarükü və səhiyyə xidmətlərinin göstərilməsinin qarşısının alındığını, hətta körpələrin də inkubatorlarda ölümə səbəb olduğunu deyib.

Ertem, səhiyyə nümayəndələri olaraq Qəzzada mülki vətəndaşların, uşaqların, qadınların, həmkarların və xəstələrin həyatını qorumaq üçün İsrailin hücumlarına reaksiya vermək və həkimlik peşəsinə yaraşan mövqe tutmaqda qərarlı olduqlarını bildirib.