Rusiya Elmlər Akademiyasının akademiki Aleksandr Qintsburq bildirib ki, mikoplazma infeksiyası ÇXR ərazisində əhəmiyyətli dərəcədə yayılıb.

Aztibb.az “MİR” telekanalının portalına istinadən xəbər verir ki, buna səbəb əvvəllər dünyada və Çində COVID-19 pandemiyasının olmasıdır.

Alimin sözlərinə görə, indi uşaqlar əsasən mikoplazma infeksiyasına yoluxurlar, lakin gələcəkdə hər şey daha ciddi ola bilər. Fakt budur ki, mikoplazma infeksiyası zəifləmiş immunitet sistemi olan insanlar üçün çox təhlükəlidir. Digər hallarda insan orqanizmi Mycoplasma və Mycoplasma pneumoniae ilə asanlıqla mübarizə apara bilər.

Akademik qeyd edib, bu xəstəliyi antibiotiklərlə müalicə etmək olar.

Mikoplazmalar bakteriya və viruslar arasında təkamül nərdivanında aralıq mövqe tutan bir hüceyrəli mikroorqanizmlərdir. Onlar demək olar ki, hər yerdə mövcuddur: torpaqda, suda, bitkilərdə, heyvanların və insanların bədənində.

Digər təhlükə odur ki, bu xəstəliyi müəyyən etmək çətindir. Onun simptomları adi qriplə qarışdırıla və bu səhv nəticəsində yanlış müalicə aparıla bilər.