Hospitaldan Aztibb.az-a bildirilib ki, konqresdə Avropa ölkələrinin, Türkiyə, Rusiya, Ukrayna və digər ölkələrin reanimasiya və anesteziologiya sahəsi üzrə aparıcı mütəxəssisləri təqdimatlarla çıxış ediblər.

 

Tədbirdə “Ürək cərrahiyyəsində hemodinamik monitorinq”, “Onurğa beyin stimulyatoru”, “Kəskin və xroniki ağrıların idarəedilməsi və reanimasion xəstələrin problemləri” və digər mövzularda məruzələr dinlənilib.

 

Məruzələrdə mürəkkəb cərrahiyyə əməliyyatlarının uğurlu nəticəsi həm də müasir anesteziologiyanın inkişafı ilə bilavasitə bağlı olması, pasiyentlərin intensiv terapiya nəticəsində qısa zamanda ayağa qalxması və sağlamlığına qovuşmasının anesteziologiya ilə əlaqəsi kimi məsələlər qeyd olunub, eyni zamanda təbabətin ən aktual problemləri barədə müzakirələr aparılıb.

 

Hospitalın həkimləri mühazirə sonrası müzakirələrdə aktiv iştirak edərək, fikir mübadiləsi aparıblar.

 

Konqresin sonunda tədbir iştirakçılarına sertifikatlar təqdim olunub.