23-25 noyabr 2023-cü il tarixlərində Avstriyanın Vyana şəhərində “31-ci Obstetrik ginekologiya və sonsuzluqla bağlı yeniliklər” mövzusunda beynəlxalq konfrans keçirilib.

 

Mərkəzi Gömrük Hospitalından Aztibb.az-a bildirilib ki, müəssisənin mama-ginekoloqu Nərmin Muradova konfransda iştirak edib.

 

Tədbirə dünyanın qabaqcıl tibb müəssisələrinin yüksəkixtisaslı mütəxəssisləri də qatılıblar.

 

Konfransın proqramına daxil edilmiş elmi məruzələr tədbir iştirakçılarına unikal öyrənmə imkanı verməklə, mamalıq, ginekologiya sahəsində ən müasir və innovativ elmi və klinik nailiyyətlər haqqında geniş məlumat mübadiləsini təmin edib.

 

Beynəlxalq konfrans çərçivəsində mühüm və aktual mövzularda maraqlı müzakirələr aparılıb.