Bakı Sağlamlıq Mərkəzindən Aztibb.az-a bildirilib ki, mama-ginekoloq, professor İslam Mahalovun rəhbərlik etdiyi konfransın ilk günündə “MİPS BAKI - III Praktik Kurs”u baş tutub.

 

Canlı cərrahiyyə ilə başlayan kursda prof. İslam Mahalovun “Laparoskopik sakropeksiya” əməliyyatı əməliyyatxanadan akt zalına canlı bağlantı həyata keçirilib.

 

Canlı cərrahiyyə yekunlaşdıqdan sonra ardıcıl olaraq nəzəri və praktik kurslarda iştirakçılar öz bilik və bacarıqlarını inkişaf etdiriblər.

 

Prof. İslam Mahalov, prof. Diaa Rizk, prof. Fulya Dökmeci, Kadyrzhan Ussenov, Abdullah Arman Özdemir, Fəridə Abbasovanın çıxışları əsasında 5 kurs keçirilib. “Hamiləlik, doğuşun çanaq dibinə təsiri və qorunması”, “Ultrasəs və çanaq dibi diaqnostikası”, “Urodinamika”, “Laparoskopiya”, və “Histeroskopiya” kursu da daxıl olmaqla bütün kurslarda mütəxəssislər ginekoloji xəstəliklər zamanı müasir müalicə üsullarını əhatə edən müxtəlif mövzular barədə çıxışlar ediblər.

 

Qeyd edək ki, yerli və xarici professorların, yüksəkixtisaslı mütəxəssislərin iştirak etdiyi beynəlxalq konfrans və MİPS kursları Azərbaycan Respublikası Səhiyyə Nazirliyinin “Davamlı Tibbi Təhsil üzrə elm və tədris tədbirlərinin akkreditasiya Qaydaları“ əsasında akkreditasiya olunaraq 27 DTT balı ilə qiymətləndirilib.

 

JW Marriott Absheron Baku və Bakı Sağlamlıq Mərkəzində 24-25 noyabr tarixlərində ”Minimal və Endo-Vizual Ginekologiya" - "Sərhədsiz Ginekologiya - VII Konfrans"ları baş tutacaqdır.