Türkiyənin Ağrı vilayətində hamiləliyin 26-cı həftəsində dünyaya gələn, 515 qram çəkisi və 26 santimetr boyu olan körpə 98 günlük müalicədən sonra sağlamlığına qovuşub.

Aztibb.az-ın medimagazin.com.tr-yə istinadla məlumatına görə, təxminən 4 ay əvvəl səhhətindən şikayətləri ilə Ağrı Təhsil və Araşdırma Xəstəxanasına müraciət edən hamilə qadına yüksək təzyiq və zülal sızması diaqnozu qoyulub. O, hamiləliyin 26-cı həftəsində qeysəriyyə əməliyyatı ilə körpəsini dünyaya gətirib.

Vaxtından əvvəl doğulan 515 qram çəkisi 26 santimetr olan körpəyə ailə Elif adı verilib. Körpə Yenidoğulmuşların Reanimasiya şöbəsində dos. Esra Beşer və komandasının nəzarəti altında 98 gün müalicə alıb.

Bu müddət ərzində 2 kilo 375 qram çəkisi olan və sağlamlığına qovuşan qızını qucağına alan Makbule Çelik bundan böyük xoşbəxtliyin ola bilmədiyini deyib.