"Həkimlərimizi tanıyaq!" rubrikasında bu dəfə Respublika Neyrocərrahiyyə Xəstəxanasının həkim-neyrocərrahı Elşən Vahid oğlu Hüseynzadə haqqında məlumatı təqdim edirik.

 

O, 1989-cu il tarixində anadan olub. 2013-cü ildə Azərbaycan Tibb Universitetinin Müalicə işi fakültəsini bitirib. 2013-2018-ci illərdə Azərbaycan Tibb Universitetində neyrocərrahiyyə ixtisası üzrə rezidentura keçib.

 

Elşən Hüseynzadə 2018-ci ildən Respublika Neyrocərrahiyyə Xəstəxanasının Qəbul-diaqnostika şöbəsinin həkim-neyrocərrahı vəzifəsinə işə qəbul olunub. 2019-cu ildən Respublika Neyrocərrahiyyə Xəstəxanasının Baş-beyin şöbəsində həkim-neyrocərrah olaraq çalışır.

 

Qeyd edək ki, o, 44 günlük Vətən Müharibəsi dövründə cəbhə bölgəsində yaralı əsgərlərə cərrahi tibbi xidmət göstərmək üçün ezam olunub. Kəllə əsası cərrahiyyəsi, neyroonkologiya, baş-beyin damar xəstəlikləri: Anevrizma, AVM (arteriovenoz malformasiya), Kavernoz malformasiya, Davf (dural arteriovenoz fistul) xəstəliklərinin cərrahi müalicəsi ilə məşğuldur.