İsrailin hücumlarının davam etdiyi Qəzza zolağından Misirə köçürülən 61 xəstə və 49 həyat yoldaşı Milli Müdafiə Nazirliyinə məxsus təyyarə ilə müalicə olunmaq üçün Türkiyəyə gətirilib.
Aztibb.az-ın medimagazin.com.tr-yə istinadla xəbərinə görə, Misirin Əl Ariş Hava Limanından havaya qalxan Milli Müdafiə Nazirliyinə aid A400M təyyarəsi 61 xəstə, 49 həyat yoldaşı və 10 tibb işçisi ilə Etimesqut Hərbi Hava Limanına eniş edib.
Türkiyənin səhiyyə naziri Fahrettin Koca Qəzzadan Misirdən Türkiyəyə gətirilən 61 xəstənin müalicəsinin Bilkənd və Etlik şəhər xəstəxanalarında aparılacağını açıqlayıb.
Nazir F.Koca xəstələri hava limanında qarşılayıb və mətbuat nümayəndələrinə açıqlamalar verib.
Türkiyə, İsrail və Misir arasında yaradılan sağlamlıq koordinasiya qrupunun gərgin işi sayəsində birinci qrupda 27 xəstə və 13 refakatçinin Türkiyəyə gətirildiyini xatırladan F.Koca, bu xəstələrin müalicəsinin Bilkent Şəhər Xəstəxanasında davam etdirildiyini bildirib.
O, bu gün gətirilən 61 xəstədən əksəriyyətinin xərçəng xəstəsi olduğunu diqqətə çatdırıb.
