Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, t.e.d. Rəşad Mahmudov, Mərkəzi Gömrük Hospitalının rəis müavini Nabil Seyidov, Elmi-Təcrübi və Tədris Mərkəzinin mütəxəssisi və Mərkəzi Gömrük Hospitalının kardioloqu Günay Hətəmova Hacettepe Universitetinin Azərbaycandakı Baş ofisi olan İncir And Global Health şirkətinin və Azərbaycan Endoskopik və Laparoskopik Cərrahlar Assosiasiyasının birgə təşkilatçılığı ilə Heydər Əliyevin 100 illiyinə həsr olunmuş “Kardiologiyada və ürək-damar cərrahiyyəsində müasir metodlar” mövzusunda beynəlxalq konfransda iştirak ediblər.

 

Mərkəzi Gömrük Hospitalından Aztibb.az-a verilən məlumata görə, t.e.d. Rəşad Mahmudov konfransın rəsmi açılışında bildirib ki, konfransda kardiologiyada və kardiocərrahiyyədə müasir metodlar mövzusunda müzakirələr aparılacaq və bu müzakirələrdə məqsəd ölkəmizdə həyata keçirilən səhiyyə islahatlarının vacib tərkib hissəsi olan ürək-damar xəstəlikləri ilə mübarizədə işimizin daha keyfiyyətli şəkildə vətəndaşlara çatdırılması üçün bilik və bacarıqlarımızın mübadiləsi olacaq.