Qəzzalı xəstələri Türkiyəyə gətirəcək təyyarə Misirdən yola düşüb
20.11.2023 17:11

İsrailin hücumlarından sonra Qəzzadan Misirə 61 xəstə və 49 həyat yoldaşını gətirəcək Milli Müdafiə Nazirliyinə məxsus təyyarə Misirdən havaya qalxıb.

 

Aztibb.az-ın medimagazin.com.tr-yə istinadla məlumatına görə, Türkiyədə müalicə olunacaq xəstələrin təxliyyəsi üçün El Arişdən havaya qalxan A400M təyyarəsi Ankara Etimesqut Hərbi Hava Limanına enəcək.

 

Xəstələrin Bilkənd və Etlik şəhər xəstəxanalarında müalicəsi planlaşdırılır.

 

Qeyd edək ki, Qəzzadan çıxarılaraq Misirə gətirilən xəstələrdən 27-si 13 nəfər yoldaşı ilə Cumhurbaşkanlığı və Milli Müdafiə Nazirliyinə aid təyyarələrlə Türkiyəyə gətirilib. Onlar ötən həftə cümə axşamı günü Ankaranın Bilkənd Şəhər Xəstəxanasına yerləşdiriliblər.

Nərgiz Qəhramanova
Müəllifin digər yazıları