İsrail ordusu Qəzzanın şimalında İndoneziya xəstəxanasını və xəstəxana ətrafını artilleriya atəşinə tutub. Hücum nəticəsində ən azı 8 fələstinlinin həyatını itirdiyi bildirilib.

Aztibb.az bu barədə medimagazin.com.tr-yə istinadla xəbər verir.

Fələstinin rəsmi xəbər agentliyi WAFA-nın məlumatına görə, İsrail ordusunun raket zərbələrinə məruz qalan İndoneziya xəstəxanasında ən azı 8 nəfər ölüb, onlarla insan, eləcə də 2 həkim yaralanıb. Hücum nəticəsində xəstəxananın ikinci mərtəbəsi ciddi ziyan görüb. 

Hücum xəstəxanada elektrik kəsilməsinə səbəb olub. 140 çarpayılı olduğu bildirilən səhiyyə müəssisəsində 650 xəstənin müalicə aldığı, təxminən 150 yaralanın olduğu qeyd edilib.

Xəstəxananı mühasirəyə alan İsrail qüvvələrinin ətrafdakı hündürmərtəbəli binaların damlarına snayperlər yerləşdirdiyi və xəstəxananın darvazasının qarşısında istənilən hərəkətə güllələrlə cavab verdiyi bildirilir.