Fələstin Qızıl Aypara Cəmiyyəti, İsrail ordusunun hücumları səbəbilə Qəzzanın cənubundakı Şifa xəstəxanasından köçürülən 31 vaxtından əvvəl doğulmuş körpədən 28-nin Misirə təxliyə edilmək üçün təcili yardım maşınları ilə Rəfah Sərhəd Qapısına aparıldığını bildirib.

Aztibb.az-ın medimagazin.com.tr-yə istinadla məlumatına görə, sözügedən körpələrin müalicələrini davam etdirmək üçün Rəfah Sərhəd Qapısından Misirə aparılacağı qeyd edilib.

Bildirilib ki, evakuasiya prosedurları Ümumdünya Səhiyyə Təşkilatı və Birləşmiş Millətlər Təşkilatının Humanitar Məsələlərin Əlaqələndirilməsi İdarəsi (OCHA) ilə əməkdaşlıq çərçivəsində həyata keçirilib.

Həmçinin Fələstin Qızıl Aypara Cəmiyyətinin verdiyi açıqlamada Şifa xəstəxanasından Qəzzanın cənubuna köçürülən 31 vaxtından əvvəl doğulmuş körpədən 3-nün vəziyyətinin yaxşı olduğu üçün bölgədəki xəstəxanada müşahidə altında müalicələrini davam etdirəcəkləri söylənilib.