Ümumdünya Səhiyyə Təşkilatının (ÜST) Fələstin ofisi İbn Sina Xəstəxanasından 6 tibb işçisinin saxlanıldığını bildirərək, tibb işçilərinə qarşı artan zorakılığa diqqət çəkib.

Aztibb.az-ın medimagazin.com.tr-yə istinadla məlumatına görə,  bu barədə ÜST-nin Fələstin Bürosu açıqlama yayıb.

Açıqlamada deyilir: “ÜST İordan çayının qərb sahilində səhiyyə xidmətlərinə hücumların artmasından narahatdır. Cenindəki İbn Sina Xəstəxanasından çıxan ən azı 6 səhiyyə işçisi bu gün axtarışa verilib və saxlanılıb. Bundan əlavə, 3 təcili yardım maşınında axtarış aparılıb. Oktyabrın 7-dən bəri təkcə Qərb Sahilində səhiyyə xidmətlərinə 170-dən çox hücum edilib".

ÜST tibb işçilərinin hədəf olmadığını bildirib, tibb işçilərini və səhiyyə müəssisələrini qorumağa çağırış edib.