17 noyabr – Beynəlxalq Vaxtından Əvvəl Doğulmuşlar Günüdür.

Aztibb.az xəbər verir ki, vaxtından əvvəl doğulmuşlar üçün ilk beynəlxalq məlumatdırma günü Avropadakı qadın və ana təşkilatları təşəbüsü ilə 2008-ci ildə keçirilib. 2011-ci ildən etibarən isə hər il 17 noyabr Beynəlxalq Vaxtından Əvvəl Doğulmuşlar Günü kimi qeyd edilir.

Bu günün qeyd olunmasında əsas məqsəd vaxtından əvvəl doğulan körpələrin sağ qalması üçün səylərin artırılması, vaxtından əvvəl doğum prosesinin baş vermə riskinin minimuma endirilməsi və hamilə qadınların düzgün qidalanmaları, sağlamlıqlarının qorunması üçün maddi, mənəvi və tibbi yardımın göstərilməsidir.