O, 1959-cu ildə anadan olub. 1983-cü ildə Azərbaycan Tibb İnstitutunun Müalicə işi fakültəsini bitirib. 1983-1984-cü illərdə 1 saylı Psixiatrik Xəstəxanasında psixiatriya ixtisası üzrə internatura keçib.

 

Rəşid Vəlibəyov 1984-1987-ci illərdə Saatlı RMX-da həkim-psixiatr, 1987-ci ildə Respublika Neyrocərrahiyyə Xəstəxanasında həkim-nevropatoloq işləyib. 1988-ci ilin yanvar ayından iyun ayına kimi Kiyevdə neyrocərrahiyyə ixtisası üzrə təkmilləşdirmə kursu keçib. 1988-ci ildən 2013-cü ilin mart ayınadək Qəbul-diaqnostika şöbəsinin həkim-neyrocərrahı, 2013-cü ilin aprel ayından Uşaq neyrocərrahiyyə şöbəsinin müdiri vəzifələrində çalışıb.

 

2023-cü ilin yanvar ayından Respublika Neyrocərrahiyyə Xəstəxanasında Uşaq neyrocərrahiyyə şöbəsinin həkim-neyrocərrahıdır.

 

Həkim 2001-ci ildə Kiyev şəhərində dissertasiya işini müdafiə edərək tibb üzrə fəlsəfə doktoru elmi dərəcəsini alıb. O, neyrocərrahiyyə sahəsinə dair bir çox elmi məqalənin müəllifidir.