Revmatoloq Yelena Vystavkina xəbərdarlıq edib ki, COVID-19 otoimmun xəstəliklərin inkişafına səbəb ola bilər.

Aztibb.az “MedikForum” nəşrinə istinadən xəbər verir ki, mütəxəssis bu reaksiyanın əsasının sağlam toxumalara və orqanlara zərər verə bilən immunitet sisteminin "hiperaktivləşməsi" olduğunu bildirib:

“COVID öz-özünə yanğına səbəb olur, bizim vəziyyətimizdə “yanğın” immunitet sisteminin aktivləşməsidir. Bəzən bu yanğın həddindən artıq aqressiv ola bilər. İmmunitet sisteminin hiperaktivasiyası baş verir. Əslində, hər hansı bir otoimmun reaksiyanın inkişafının əsasını məhz bu təşkil edir. Həkim izah edib ki, immunitet sistemi təcavüzü zamanı "dost və düşmən" arasında fərq qoymağı dayandırır və orqanizmin toxuma və orqanlarına hücum edir”.

Revmatoloqun fikrincə, bu kəşf deyil və hər hansı virus və ya infeksiya orqanizmdə oxşar prosesləri təhrik edə bilər. Koronavirus infeksiyası vəziyyətində belə hallar daha tez-tez baş verir.

Həkim əlavə edib ki, autoimmun revmatoloji xəstəliklərin simptomlarına oynaq ağrıları, şişkinlik, istirahətdə və gecələr baş verən, lakin fiziki fəaliyyətlə azalan iltihablı bel ağrıları daxildir.