Naxçıvan Muxtar Respublikası Səhiyyə nazirinin birinci müavini, nazir vəzifələrini icra edən Samiq Sadıxov "Bir çinar, bir şəhid" başlıqlı ağacəkmə aksiyasında iştirak edib.

Nazirlikdən Aztibb.az-a bildirilib ki, bağ Şahbuz rayon Xəstəxanasının təşkilatçılığı ilə xəstəxananın həyətyanı sahəsində salınıb.

"Bir şəhid, bir çinar" başlıqlı ağacəkmə aksiyasında rayonun 35 şəhidinin adına çinar ağacları əkilib. Hər bir ağacın yanında məlumat lövhələri yerləşdirilib. Şəhidin şəkli, adı, ata adı və soyadı olan məlumat lövhələrinə QR kodlar da yerləşdirilib. Kod oxudulan zaman şəhidin haqqında ətrafli məlumat oxumaq mümkün olur.