01.01.2007-ci il təvəllüdlü vətəndaş hasardan tullanarkən ciddi xəsarət alıb. Qobustan Rayon Mərkəzi Xəstəxanasında ilk yardım göstərildikdən sonra təcili tibbi yardım maşını ilə Abşeron Rayon Mərkəzi Xəstəxanasına transfer olunub.

Abşeron Rayon Mərkəzi Xəstəxanasınan Aztibb.az-a verilən məlumata görə, xəstəyə Təcili tibbi yardım bölməsinin personalı tərəfindən zəruri xidmətlər göstərilib. Travmatoloq, uroloq, ümumi cərrah və reanimatoloqun konsultasiyası təşkil edilib, laborator-instrumental müayinələr aparılıb.

Pasiyentə sağ sağrı nahiyəsinin qarın boşluğuna nüfuz edən deşilmiş yara diaqnozu qoyulub. Qan tədarükü görülüb və xəstə əməliyyata alınıb.

Əməliyyat zamanı qarın boşluğu açılıb, tam təmizlənib, orqanlar və ətrafı təftiş edilib və dəmir parçası çıxarılaraq yerinə drenaj qoyulub.

Əməliyyat uğurla başa çatıb. Hazırda pasiyentin vəziyyəti stabildir, müalicəsi davam etdirilir.