Zoonotik viruslar XX əsrin əksər pandemiyalarının mənbəyi oldu. Onlar artıq bütün yeni insan xəstəliklərinin 60%-ni təşkil edir. COVID-19 zoonoz virusun nəzarətdən çıxmasına bir nümunədir. Ancaq bu cür xəstəliklər getdikcə daha çox yayılır.

Aztibb.az “New Atlas”a istinadən xəbər verir ki, alimlər heyvanlardan keçən insan xəstəlikləri haqqında 60 illik məlumatları təhlil ediblər.

Məlum olub ki, xəstələnmə nisbəti eksponensial sürətlə artır. Vəziyyət eyni qalsa, 2050-ci ilə qədər belə patogenlər 2020-ci ilə nisbətən 12 dəfə çox ölümə səbəb olacaq.

Alimlər bu gün ən təhlükəli virusları Ebola, Marburq, SARS-CoV-2 (COVID-19), Nipah virusu və Maçupo virusu hesab edirlər.

Beləliklə, Nipah virusunun anbarı meyvə yarasalarında və ya uçan tülkülərdə gizlənir. Müxtəlif şiddətdə, hətta sağalmaz ensefalitlərə səbəb olur. Uçan tülkülərin də Ebola virusunu ötürdüyü güman edilir.

Əksər tədqiqatçıların fikrincə, koronavirus insan əhalisinə yarasalardan keçib.