Azərbaycan Respublikası Səhiyyə Nazirliyinin Elmi-Tədqiqat Tibbi Bərpa İnstitutunda Təşkilati-metodik şöbənin təşkilatçılığı ilə "Tunel sindromların neyrofizioloji diaqnostikası" adlı seminar keçirilib.

İnstitutdan Aztibb.az-a verilən xəbərə görə, tədbirdə Kliniki neyrofiziologiya laboratoriyasının rəhbəri, t.ü.f.d Elşanə Mustafayevanın mövzu üzrə məruzəsi dinlənilib.

O, seminarda neyrofiziologiyanın və nevrologiyanın aktual məsələləri olan, geniş yayılmış tunel sindromlarından, onun yaranma mexanizmi, etiologiyası, patogenezi, kliniki əlamətləri və neyrofizioloji göstəricilərindən danışıb.

Sonda müzakirələr aparılıb və mövzuya dair suallar cavablandırılıb.