Türkiyənin səhiyyə naziri Fahrettin Koca həm Rəfah Sərhəd Qapısına yaxın ərazidə, həm də Əl Ariş Hava Limanında 20 səhra xəstəxanası qurmaq üçün bütün hazırlıqların görüldüyünü bildirib. O, hazırda təhlükəsizliyin təmin edilməsini və icazələrin verilməsini gözlədiklərini deyib.

Aztibb.az bu barədə medimagazin.com.tr-yə istinadən xəbər verir.

Fahrettin Koca Prezident Kompleksində keçirilən Nazirlər Kabinetinin iclasından sonra mətbuat nümayəndələrinin suallarını cavablandırarkən deyib : "Qəzza üçün hazır gəmi xəstəxanamız var. 40-a yaxın təcili yardım maşını planlaşdırdıq və onlar xidmətə hazırdırlar. Misir və Fələstin nazirlikləri ilə sıx dialoq aparırıq. Əgər icazə verilsə, dərhal sağlamlıq əməliyyatlarına başlamağa hazırıq”.