İsrail atəşkəs çağırışlarına baxmayaraq Qəzzaya hücumlarını intensivləşdirməyə davam edərkən, Misirin Rəfah Sərhəd Qapısı bölgədəki ağır yaralıların keçidi üçün açılıb.

Aztibb.az-ın medimagazin.com.tr-yə istinadla məlumatına görə, İsrailin hücumlarını fasiləsiz davam etdirdiyi blokada altındakı Qəzza zolağında ağır yaralanan fələstinlilər müalicə üçün Misirə aparılacaq.

Rəfah Sərhəd Qapısının açılması ilə təcili yardım maşınları yaralıları daşımaq üçün Misirdən Qəzzaya daxil olub.

Mühasirəyə alınan bölgəyə humanitar yardım aparmaq üçün Misirdə gözləyən bəzi yük maşınları da sərhəd qapısı açıldıqdan sonra Qəzzaya keçib.

Misirin Cairo News (Əl-QAhera News) kanalı Qəzzada ağır yaralanan 80 nəfəri Misirdə müalicə olunmaq üçün xəstəxanalara çatdırmaq üçün Misirdən gələn təxminən 40 təcili yardım maşınının Rəfah Sərhəd Qapısından keçdiyini bildirib.