STM-nin direktor müavinləri İlkin Namazov, Arzu Bəndəliyevanın və Sumqayıt Onkologiya Xəstəxanasının baş həkimi Murad Məmmədovun qatılıdığı tədbirdə tabeli müəssisələrdə çalışan terapevt, onkoloq, cərrah və ginekoloqlar iştirak ediblər.

 

Konfransda ölkəmizdə onkoloji xəstəliklərlə mübarizə və bu mübarizədə aparılan maarifləndirmə tədbirlərinin əhəmiyyətindən danışılıb. Bildirilib ki, onkoloji xəstəliklərin erkən diaqnostikası və bu sahədə vətəndaşların məlumatlı olması xəstənin vaxtında müalicəyə cəlb edilməsi, yarana biləcək fəsadların qarşısının alınması baxımından faydalıdır.

 

Daha sonra STM-nin 1 nömrəli Xəstəxanasının Poliklinika şöbəsinin həkim-onkoloqu Vüsal İbrahimovun “Süd vəzi xəstəliklərinə müasir yanaşma”, Sumqayıt Onkologiya Xəstəxanasının həkim-onkoloqları Lətifə Məhərrəmovanın, Mənzurə Həmzəyevanın, Aygün Osmanovanın "Süd vəzi xərçənginin müasir müalicə prinsipləri, “Süd vəzi xərçənginin onkoplastik və rekonstruktiv cərrahiyyəsi” və "Süd vəzi xərçəngində hormonal müalicə" mövzularında məruzələri dinlənilib.

 

Sonda konfrans iştirakçılarını maraqlandıran suallar cavablandırılıb.