Fələstin Qızıl Aypara Cəmiyyəti İsrailin mühasirədə olan Qəzza zolağına hücumları zamanı təcili yardımı hədəf aldığını və avtomobilin yararsız hala düşdüyünü açıqlayıb.
Aztibb.az-ın medimagazin.com.tr-yə istinadla məlumatına görə, Fələstin Qızıl Aypara Cəmiyyəti sosial media platformasında məsələ ilə bağlı paylaşım edib.
Açıqlamada İsrail döyüş təyyarələrinin səhər saatlarında Qəzza zolağının şimalında təcili yardımı hədəfə aldığı və avtomobilin yararsız hala düşdüyü bildirilib.
Qeyd edək ki, İsrail rəsmiləri Qəzzadan həyata keçirilən hücumlarda 312-si əsgər olmaqla 1400 israillinin öldüyünü, 5132 nəfərin isə yaralandığını açıqlayıb.
Fələstin Səhiyyə Nazirliyi Qəzzada İsrailin hücumları nəticəsində 3 min 342-si uşaq, 2 min 262-si qadın olmaqla 8 min 5 fələstinlinin həlak olduğunu, 20 min 242 nəfərin isə yaralandığını bildirib.
