Mərkəzi Gömrük Hospitalının endokrinoloqu Şəbnəm Əlirzayeva Türkiyə Endokrinoloji və Metabolizm Dərnəyinin təşkilatçılığı ilə Bursa şəhərində keçirilən Türkiyə Cümhuriyyətinin 100-cü ildönümünə həsr edilmiş “ENDOCURS 7” tədbirində iştirak edib.

Hospitaldan Aztibb.az-a bildirilib ki, dünyanın müxtəlif ölkələrindən endokrinologiya və metabolizm sahəsində təcrübəli və səlahiyyətli alimlər, endokrinologiya və metabolik xəstəliklər mütəxəssislərinin iştirak etdiyi elmi toplantıda endokrinoloji, piylənmə, diabet xəstəliyi və onun müalicə yolları barədə nüfuzlu endokrinoloqların elmi məruzələri, çıxışları dinlənilib, qrup təqdimatları və müzakirələr aparılıb. 

4 gün davam edən bu mötəbər tədbirdə endokrinologiya sahəsində aktual məsələlər müzakirə olunub, əldə olunan nailiyyətlər təbliğ edilib, maraqlı fikir mübadilələri aparılıb. Konqresin sonunda iştirakçılara sertifikatlar təqdim edilib.