Bildirilib ki, müəssisənin direktoru, prof. Sədaqət Hüseynovanın sədrliyi ilə keçirilən iclasda institutun elmi katibi, baş həkim, elmi şuranın üzvləri və elmi işçilər iştirak ediblər.

 

Prof. Sədaqət Hüseynova iclasda müəssisənin elmi istiqamətlərini, cari ildə elmi işçilərin hazırladıqları mövzuların iş planının əsas müddəalarının müzakirə olunacağını şura üzvlərinin diqqətinə çatdırıb.

 

Tədbirdə Fiziki üsullarla müalicə şöbəsinin rəhbəri, t.e.d.  F.Balakişiyevanın “Serebral işemik insultlu xəstələrin reabilitasiyasında serebrolizinlə farmakoterapiyanı və transserebral fizioterapiyanı istifadə etməklə yeni müalicə üsullarının işlənib hazırlanması", Terapiya bölməsinin elmi rəhbəri, t.ü.f.d. M.Bəylərovun "Təbii amillər əsasında damar qoruyucu müalicə və reabilitasiya komplekslərinin işlənib hazırlanması" adlı mövzusunun, prof. S.Hüseynova tərəfindən tərtib olunmuş “Kliniki elektromioqrafiyaya giriş” adlı tədris-metodik vəsaitinin iş planının müzakirəsi və təsdiqi olub.

 

Sonda gündəlikdə olan məsələlər şura üzvləri ilə müzakirə edilib, irad və təkliflər səsləndirilib, bir sıra qərarlar qəbul edilib. Həmçinin institutda Fizioterapiya və tibbi bərpa ixtisası üzrə təcrübə keçən həkim-rezidentlərin 2023-cü il üçün fərdi iş planları təsdiq olunub.