Dövlət Gömrük Komitəsinin Tibbi Xidmət İdarəsi və Mərkəzi Gömrük Hospitalının əməkdaşları Milli İdman Tibb və Reabilitasiya Elmi-Praktiki İnstitutunda işgüzar görüşdə olublar.

Bu barədə Aztibb.az-a Mərkəzi Gömrük Hospitalından məlumat verilib.

Görüşdə DGK Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev, Mərkəzi Gömrük Hospitalının rəis müavini Nabil Seyidov, Hospitalın fizioterapevti Səidə Kərimova, Elmi-Təcrübi Tədris Mərkəzinin mütəxəssisi Şəhla Mirzəzadə, Milli İdman Tibb və Reabilitasiya Elmi-Praktiki İnstitutunun idarə heyətinin sədri Səbinə Xəlilova və müalicə işləri üzrə sədr müavini, t.ü.f.d., dosent Rəhimə Qabulova iştirak edib.

İlk növbədə, nümayəndə heyəti Milli İdman Tibb və Reabilitasiya Elmi-Praktiki İnstitutunun tibbi imkanları və fəaliyyət istiqamətləri ilə yaxından tanış olublar.

Həmçinin görüş zamanı Tibbi Xidmət İdarəsi və Mərkəzi Gömrük Hospitalının Milli İdman Tibb və Reabilitasiya Elmi-Praktiki İnstitutu ilə mümkün əməkdaşlıq imkanları, qarşılıqlı elmi-praktik tədbirlərin və sosial fəaliyyətlərin təşkili, o cümlədən əməkdaşlıq memorandumunun imzalanması məsələləri müzakirə edilib.