"Həkimlərimizi tanıyaq!" rubrikamızın bu dəfəki qonağı TƏBİB-in tabeliyindəki Sumqayıt Uşaq Xəstəxanasının lor-cərrahı, tibb üzrə fəlsəfə doktoru Aytən Quliyevadır.

 

O, 1976-ci ildə Sumqayıt şəhərində anadan olub. 1993-1999-cu illərdə Azərbaycan Tibb Universitetinin (ATU) Müalicə işi fakültəsində təhsil alıb. 1999-2002-cü illərdə Moskva şəhərində 17 nömrəli Uşaq Xəstəxanasında internatura keçib. 2002-2012-ci illərdə Moskva şəhər Sverjevski adına elmi mərkəzdə ordinatura, aspirantura, elmi işçi kimi təhsil alıb.

 

 

Aytən Quliyeva 2014-cü ildə Hindistanın Japur şəhərində Almaniya, Koreya, Keniya, Hindistan, Amerika, həkimləri ilə birgə elmi-praktik təcrübə keçib.

 

2015-ci ildə Sumqayıt Şəhər 2 saylı Uşaq poliklinikasında lor-həkim kimi çalışıb. 2017-ci il ATU-da həkim otorinolarinqoloq kimi fəaliyyət göstərib. 2021-ci ildən STM-nin tabeliyində olan Uşaq Xəstəxanasında lor-cərrah kimi fəaliyyətini davam etdirir.

 

O, davamlı olaraq müxtəlif illərdə ixtisas təkmilləşdirmədə olub.