ATU-nun Tədris Cərrahiyyə Klinikasında I Cərrahi xəstəliklər kafedrasının  təşkilatçılığı, Rezidentura və magistratura şöbəsinin dəstəyi ilə rezidentlər və tələbələr ücün növbəti ”Mən bunu necə edirəm?" layihəsi cərcivəsində tədbir keçirilib.

 

ATU-dan Aztibb.az-a bildirilib ki, tədbirdə professor Eldar Əliyev "Mən anal fistulları necə əməliyyat edirəm?" mövzusunda mühazirə oxuyub.

 

Tədbirə onlayn qatılan layihə rəhbəri, I Cərrahi xəstəliklər kafedrasının  müdiri, AMEA-nın müxbir üzvü, professor Nuru Bayramov bildirib ki, layihəyə iki ildir başlanılsa da indiyədək 20-ə yaxın mövzu qoyulub: “Gördük ki, rezidentlər konsiliumda fəal iştirak edir, ayrı-ayrı fikirlər söyləyir və özləri seminar verir, texniki bacarıq kurslarını keçirlər. Kafedramızın təşəbbüsü və təşkilatçılığı ilə bu layihəni başladıq. Layihəyə ölkəmizdən və xaricdən öz sahəsini dərindən bilən təcrübəli mütəxəssislər dəvət olunurlar. Onlar ya canlı şəkildə, ya da Zoom vasitəsi ilə öz təcrübələrini rezidentlərimizə izah edirlər. ”.