"Həkimlərimizi tanıyaq!" rubrikamızın növbəti qonağı Nizami Tibb Mərkəzinin diyetoloqu Ülviyyə Əbülhəsənovadır.

 

O, 1978-ci ildə Sumqayıt şəhərində anadan olub. 1996-2002-ci illərdə N.Nərimanov adına Azərbaycan Dövlət Tibb Universitetinin Müalicə-profilaktika fakültəsində təhsil alıb. 2002-2003-cü ildə Respublika Klinik Xəstəxanasında həkim-qastroenteroloq ixtisası üzrə internatura keçib.

 

Ülviyyə Əbülhəsənova 2005-2007-ci illərdə 2 saylı Sumqayıt Xəstəxanasında qastroenteroloq işləyib, 2008-2018-ci illərdə Macarıstanın EGİS dərman zavodunun Bakı nümayəndəliyində, 2018-ci ildən özəl klinikalarda diyetoloq vəzifəsində çalışıb. 2023-cü ildən Nizami Tibb Mərkəzində həkim diyetoloq kimi fəaliyyət göstərir.

 

Həkim "Nutrisiologiya və diyetologiyanın əsasları", "Kliniki diyetologiya", "Piylənmənin müalicəsində koqnitiv-davranış terapiyası və tibbi məşqçilik" və s. seminarlarda iştirak edib, 2023-cü ildə ANDOP Tibbi Detoks kursu keçib.