TƏBİB-dən Aztibb.az-a bildirilib ki, nümayəndə heyəti tədbirdə moderator və məruzəçi olaraq iştirak edib.

 

Konqresin ilk günündə TƏBİB-in İcraçı direktorunun müavini Araz Nəsirov açılış nitqi ilə çıxış edib.

 

Sonra Türkiyə Cümhuriyyətinin Səhiyyə Nazirliyinin və onların nəzdində fəaliyyət göstərən Dövlət Xəstəxanalarını İdarəetmə Qurumunun nümayəndələri ilə görüş keçirilib. Görüşdə qarşılıqlı əməkdaşlıqlar müzakirə olunub, fikir və təcrübə mübadiləsi aparılıb.

 

Tədbirin ikinci günündə İcraçı direktorun müavini Araz Nəsirovun moderator olduğu paneldə TƏBİB-in Daxili nəzarət və monitorinq departamentinin Monitorinq şöbəsinin müdiri Elçin Ağayev çıxış edib. O, “Azərbaycan səhiyyə sistemində icbari tibbi sığorta və TƏBİB modeli” mövzusunda çıxışında Azərbaycanın səhiyyə sistemi, icbari sığorta sistemi və Xidmətlər Zərfi barədə məlumatları təqdim edib.

 

Daha sonra Abşeron Rayon Mərkəzi Xəstəxanasının direktoru Azər İsmayılov “Yevlax və Mingəçevir şəhərlərində həyata keçirilən icbarı tibbi sığortanın pilot layihələri”, “Dövlət xəstəxanalarının idarəedilməsində TƏBİB yanaşması” mövzuları ilə çıxış edib.

 

Strateji inkişaf departamentinin Proseslərin optimallaşdırılması şöbəsinin müdiri Ziya Məmmədzadə TƏBİB-in dövlət-özəl tərəfdaşlığı layihələrindən və bu layihələrin tabeli müəssisələrdəki uğurlu fəaliyyətindən söz açıb.

 

Strateji inkişaf departamentinin Layihələrin idarəolunması şöbəsinin müdiri Fəqan Həsənzadə “TƏBİB-in strateji yol xəritəsi” başlığı altında TƏBİB yarandığı ilk gündən görülən işlər, işğaldan azad olunan ərazilərdəki səhiyyə islahatları, tibbi ərazi bölmələrindəki fəaliyyətlər, qarşıya qoyulmuş strategiyalar, hədəf, vizyon və missiyalar haqqında auditoriyanı məlumatlandırıb.

 

Həmçinin TƏBİB-in nümayəndə heyəti ilə Necmettin Erbakan Universitetinin rektoru prof. Cem Zorlu arasında görüş keçirilib.

 

Görüşdə TƏBİB və universitet arasında gələcək əməkdaşlıq müzakirə olunub.