Mərkəzi Gömrük Hospitalının Urologiya şöbəsinin ikinci il həkim-rezidenti Elxan Qasımov Hospitalda “Sidik kisəsi törəmələri” mövzusunda təqdimatla çıxış edib.

 

Aztibb.az-a Hospitaldan bildirilib ki, tədbirdə Mərkəzi Gömrük Hospitalının rəis müavini Nabil Seyidov, Cərrahiyyə şöbəsinin rəisi, ümumi cərrah Namiq Novruzov, Cərrahiyyə şöbəsinin ümumi cərrahı, rezidentlərin kuratoru, t.ü.f.d. Aynur Səfiyeva, Urologiya şöbəsinin uroloqu, uzman uroloq Samir Ağalarov, eləcə də həkim və rezidentlər iştirak ediblər.

 

Tədbirdə sidik kisəsi törəmələrinin risk faktorları, əlamətləri, diaqnostikası, müalicə üsulları haqqında ətraflı məlumat verən həkim-rezident Elxan Qasımov bildirib ki, siqaret çəkmə, xüsusilə hazırda istifadəsi geniş yayılmış elektron siqaretlər, şistomiyazis, peşə faktoru və digər səbəblər risk faktorlarındadır. Diaqnostikasında fiziki müayinə, USM, KT Uroqrafiya və İV pieloqrafiya, KT, MRT və sistoskopiydan istifadə olunur.

 

Təqdimatın sonunda Elxan Qasımov sidik kisəsi törəmələrinin müalicəsində istifadə olunan ən müasir yanaşmalar və dünya təcrübəsi barədə danışıb.

 

Daha sonra həkim-rezident Elxan Qasımov Mərkəzi Gömrük Hospitalının rəis müavini Nabil Seyidovun, həkim və rezidentlərin suallarını cavablandırıb, Mərkəzi Gömrük Hospitlının Urologiya şöbəsində xəstəliyin konservativ və cərrahi müalicəsi ilə bağlı təcrübəsini bölüşüb.

 

Qeyd edək ki, Mərkəzi Gömrük Hospitalında təhsil alan rezident-həkimlərin hər biri kuratorlarının dəstəyi ilə təhsil aldıqları sahələr üzrə müxtəlif mövzularda davamlı olaraq təqdimatlarla çıxış edirlər.