Xəstəxanadan Aztibb.az-a bildirilib ki, ilk olaraq tədbirdə Dövlət Himni səsləndirilib. Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

 

Tədbirdə Yeni Klinikanın həkim-hematoloqu Sevil Cəlilova “Leykemiyanın erkən diaqnostikası və müalicəsi”, Akademik M.Ə.Mirqasımov adına Respublika Klinik Xəstəxanasının həkim-hematoloqu Firəngiz Nəzərli “Leykemiyalarda kimyəvi terapiya və qidalanma”, “Totem” psixologiya mərkəzinin psixoloqu Aynur İsmayılova “Xəstəlik taleyimiz deyil”, “Stimul Consalting” MMC-nin təsisçi direktoru Vüsal Mehrəliyev “Onkoloji və hematoloji xəstələr icbari tibbi sığortanın Xidmətlər Zərfindən istifadə edə bilərmi” mövzularında təqdimatlarla çıxış ediblər.

 

Daha sonra “Leykemiya ilə Mübarizə” İctimai Birliyinin üzvü Dilşad Əzizli tərəfindən təşkilatın gördüyü işlər haqqında ətraflı məlumat verilib, sosial çarx göstərilib.

 

Sonda Respublika Klinik Xəstəxanasının rəhbərliyi və tədbir təşkilatçıları təşəkkürnamə ilə təltif olunub.