O, 1996-cı ildə Azərbaycan Tibb Universitetinin Pediatriya fakültəsini bitirib, 1996-1997-ci illərdə Naxçıvan Muxtar Respublikasında 2 saylı Doğum Mərkəzində neonatoloq ixtisası üzrə internatura keçib. 1998-2008-ci illərdə dövlət tibb müəssisəsində həkim neonatoloq kimi çalışıb. 2009-cu ildən Mərkəzi Gömrük Hospitalında neonatoloq-pediatr kimi fəaliyyət göstərir.

 

Minazər Abdullayeva Mərkəzi Gömrük Hospitalında yeni doğulmuş uşaqların müayinəsi, uşaqların anadan olduğu dövrdən 17 yaşa kimi olan dövrdə müayinə və müalicəsi ilə məşğul olur.

Daim öz üzərində çalışan Minazər Abdullayeva ölkəmizdə və xaricdə pediatriya sahəsi üzrə keçirilən müxtəlif konfranslarda, seminarlarda iştirak edir. O, 2013-cü ildə Türkiyənin “Ankara Zəkai Tahir Burak Kadın Sağlığı Eğitim və Araştırma Hastanesi”ndə yenidoğulmuşların reanimasiyası şöbəsində 6 ay müddətində təkmilləşdirmə kursunda, 2018-ci ildə neonatologiya üzrə Azərbaycan-Türkiyə II intensiv təlim kursunda, 2019-cu ildə ATU-nun və Türkiyənin Ankara Universitetinin təşəbbüsü ilə keçirilmiş “Pediatrik reanimasiya və təcili pediatrik yardım” üzrə təlim kursunda və həmin ildə Neonatologiya üzrə Azərbaycan-Türkiyə III Beynəlxalq Təlim kursunda iştirak edib.